Lonxe, América : David Lamelas [exposición celebrada no ] Centro Galego de Arte Contemporánea, Santiago de Compostela [nas datas] 23/07-3/10/2021
/ Comisario = Curated by Pedro de Llano Neira ; [textos, Pedro de Llano Neira ... et al. ; traducións, Jesús Riveiro Costa, Josephine Watson ; fotografía, Ovidio Aldegunde]
- [Ed. bilingüe]
- [Santiago de Compostela] : Xunta de Galicia, Consellería de Cultura, Lingua e Xuventude , D.L. 2024
- 331 p. : il. br. n. e cor. ; 33 cm
David Lamelas (Buenos Aires, 1946) é unha figura clave da arte conceptual e un dos grandes protagonistas da escena artística arxentina na década dos sesenta. Desde os inicios, a súa obra distinguiuse por unha singular capacidade camaleónica para se adaptar a distintos contextos, xa fosen artísticos, arquitectónicos, xeográficos ou sociais, en capitais como Londres, Bruxelas, París, Milán, Los Angeles, Nova York ou Berlín.
A exposición que o CGAC lle dedicou en 2021 foi a súa primeira retrospectiva en España. Neste catálogo amósase a evolución do traballo de Lamelas a través de distintas etapas, desde os inicios a primeiros dos sesenta en Buenos Aires ata o momento presente, e asemade incídese en dúas cuestións importantes: a relación de Lamelas con Galicia (os seus pais emigraron desde Manzaneda e Castro Caldelas durante a Guerra Civil) e a importancia do proxecto e mais do debuxo na súa práctica artística ao longo de toda a súa carreira; ben sexa como debuxos autónomos, como sucede na serie Aleph (1986-1989), ou como medio para desenvolver unha idea, no ámbito escultórico, fotográfico, fílmico ou arquitectónico [Ed.]