As fotografías pertencen ao Fondo Ramón Sánchez Escalote, do Consorcio de Santiago.

Inclúe enlaces ao audio das cantigas, recollidas no Arquivo do Patrimonio Oral da Identidade (APOI) do Museo do Pobo Galego.

Bibliografía.

Este "Cantigueiro de Compostela" está formado por dous grupos ben diferentes de cantigas: por unha banda as recollidas en Santiago de Compostela, especialmente no lugar de Folgoso, na parroquia de Santa María de Figueiras, e, pola outra, aquelas onde se menciona á cidade, o seu santo, os seus mosteiros, de San Martiño a San Francisco, e algunhas das rúas máis senlleiras, do Vilar á Calderería, ou lugares, como Conxo ou o Pico Sacro, o monte Illicinus do "Códice calixtino", desde onde os peregrinos ven por vez primeira as ansiadas torres da catedral.