Galicia foi considerada, desde os tempos máis remotos, un dos territorios sacros máis relevantes do mundo antigo.
Tomé Martínez, baseándose nas súas investigacións de campo durante máis de dúas décadas, propón unha viaxe polos misterios da Galicia máxica no que che sairán ao encontro as bruxas e meigas da tradición galega, os demos e os seus endemoniados, os exorcistas que os combaten ou os valiosos testemuños dos últimos oficiantes do sobrenatural: os curandeiros, os mencinheiros e outras moitas persoas con extraordinario talento, que estiveron ao dispor das comunidades rurais durante séculos, para mediar entre o mundo dos vivos e os mortos, para defenderse do descoñecido ou para plantar cara á enfermidade conformando as bases dunha medicina tradicional de enorme interese científico. Tamén coñecerás os numerosos rituais e obxectos de poder utilizados por estes personaxes, os usos máxicos aos que serven, como o grimorio de San Cipriano tamén coñecido como Ciprianillo, Libro do Diaño ou os amuletos e símbolos protectores do mundo tradicional.