Na cuberta: Asociación galega de onomástica

O filólogo Fernando Cabeza Quiles, autor nesta mesma colección de Toponimia da Estrada (2018) e de Toponimia de Carballo (2020), indaga agora na orixe e significados das 215 formas que designan as entidades de poboación de Ribeira e algún outro accidente do relevo que considerou salientable. Cabeza é un dos principais divulgadores da realidade toponímica do país, socio fundador do Instituto de Estudos Bergantiñáns e membro da Asociación Galega de Onomástica.
A colección Terra Nomeada da Real Academia Galega e a Asociación Galega de Onomástica ten como obxectivo recompilar e estudar os nomes de lugar dos concellos de Galicia para saber cal é a súa motivación e o seu significado, o que nos fará máis conscientes da relación co noso pasado, de como se conformou a nosa sociedade, de como é a natureza en que habitamos, a súa fauna e as plantas.