Publicación cultural, heteroxénea temáticamente (poesía, pintura, historia, escultura e música), qiue acolleu colaboracións literarias e artigos sobre Galicai e Portugal. Procuraba estreitar relacións entre os dous pobos e restablecer o espíriti fakauci. Cabe salientar os números 3 e 4, o primeiro por informar da recepción do Círculo de Estudos Galaico-Portugueses e o segundo por levar o estatuto da mencionada iniciativa. Trazo fundamental do pensamento, emanado do seu director, Manuel Oliveira Guerra, é o celtismo. En CÉLTICA colaboraron os escritores galegos Manuel María, Leandro e Uxío Carré, Pura e Dora Vázquez, Celso Emilio Ferreiro, Xosé Mª Alvarez Blázquez, Isidro Conde, Antón Tovar, Avelino Abuim de Tembra, Miguel González Garcés, Xosé Díaz Jácome, Álvaro Paradela, Enrique Chao Espina, José Mª Castroviejo, Victoria Armesto e Xohana Torres, ademais de publicar algúns poemas de escritores galegos xa desaparecidos na altura e traballos sobre Noriega Varela, Eduardo Pondal, Ramón Cabanillas e Francisco Añón. Así como tamén reseñas e recensións de obras de diversos autores galegos.